【英雄地 祝各位英雄繼續有用武之地】 繼「香港地」骨牌系列之後，院友仔趁寒冬推出「英雄地」衛衣系列。
天九檯係院友嘅英雄地，牌局中聚集各路英雄切磋較勁，鬥智鬥力。而如果坐得埋檯一齊玩，就當然要識英雄重英雄。但點先算係真英雄？話說有日無意中喺篇文章到睇到呢句說話……
“The true hero is one who conquers his own anger and hatred.” - Dalai Lama
翻譯做中文大概就是：「真正的英雄是戰勝自己的憤怒和仇恨的人。」好多前輩以前都同我哋分享，話佢哋後生嗰時流行「賭天九」，每局雖然嚟得快去得快，但因為上落太大，所以玩親都好易動真火，成日反晒檯、屌晒鬼咁款，唔止輸錢，仲好傷感情，簡直人財兩失。 呢個亦都係點解天九會逐漸被遺忘的原因。上一代總覺得唔賭錢就唔知為乜玩，但賭又會無朋友輸身家，所以索性唔俾下一代接觸。
不過槍可救人，亦可殺人，槍本身無問題，問題只係揸槍嗰位為乜用槍。正如天九呢個遊戲本身無問題，問題係你為乜而玩。而院友選擇堅持做「不賭翁」，只打衛生牌，玩樂間，只求趣。
即使輸咗舖牌，但都唔好俾好勝心同憤怒蓋過理智。有時我哋甚至會返轉頭研究策略，探討究竟係邊一位、邊一步扭轉咗局勢，定係該局注定係咁走向。遊戲如人生，牌局如是、人生如是。
Be a true hero in life, enjoy the game and enjoy your life.
如有興趣，可以到深水埗汝州街 @shopatyears 選購、或請從 https://www.tin9club.com/shop 瀏覽。
Comments