「哈哈笑腳板底」招牌係香港地「著名」嘅都市傳說。表面上提供推拿服務，但查實係令好多阿叔阿伯「笑哈哈」嘅好地方。

不過我哋呢間虛構嘅「天九至尊寶」Mind Spa，只會透過牌局幫大家按鬆條腦筋。睇吓呢隻哈哈笑腳板係開咗三眼嘅，就知打得多會令腦袋更精靈啦。

呢三隻眼仔其實又可以睇成至尊寶腳板底嗰三粒痣。電影西遊記《月光寶盒》入面，星爺未變成孫悟空之前，叫「至尊寶」。

而天九遊戲中，「至尊」呢個組合有趣之處，在於武子細雞「三」明明係最細嘅牌，但若果遇上武子大雞「六」，時來運到，有話事權嘅話就無堅不摧，無人能敵。

一般情況，天九局每舖只有一位贏家，但如果該回合唔係由結牌者持有「至尊」，就會出現一舖兩位贏家（即不是只有結牌者得分，出至尊的玩家也會即時得分，甚至令莊家結牌冧莊卻得分更少），所以「至尊」一出，往往會改變戰局，令全場尖叫。

戲中觀音大使講過：「你未變成孫悟空，係因為未搵到俾3粒痣你嘅人」，當中提及嘅3粒痣，就是武子入面嘅細雞「三」。

當時機成熟時，至尊寶代表嘅三仔便會遇上紫霞仙子代表嘅六仔，至尊寶也就搖身一變成為齊天大聖孫悟空。

呢度有一個隱喻，就係自以為唔上唔落的「三」仔，只要搵到「六」仔合作，找準時機，小人物都可以有所作為，成為無可匹敵嘅「至尊」翻盤。

「至尊」正正代表「只要把握到天時地利人和，平凡小人物都可以時勢做英雄」，此亦是星爺作品中最常見嘅主軸，例如《一本漫畫闖天涯》、《鹿鼎記》、《國產凌凌漆》、《功夫》等... ...無不以此為宗旨。

各位院友，你又搵到俾3粒痣你嘅人未？
 
顏料為草本成份
效力維持兩星期
ISO國際認證
CE 歐盟認證
CNS台灣認證
整張尺寸約7cmx7cm